Britaniäneñ xärbi mäxkämäse-soyleklereneñ nıq bulmawı-osteoporoz çire, muskullar zäğiflege häm tağın psixologik problemalarğa zarlanğan 33 yäşlek Alex İzett çireneñ nigeze-1nçe Farsı qultığı suğışında yasalğan vaksinalardan buluı turında qarar çığardı. Suğış veterannarınıñ inde niçä yıllar Farsı Qultığı Suğışı Sindromı turında söyläwläre bügen berençe tapqır räsmiläşterelde. Alex İzett üze suğışta qatnaşmasa da, anda da qayber veterannarnıqı kebek bu sindrom küzätelä. Britaniä Saqlanu Ministrlığı, mondıy çirlärneñ vaksinalardan barlıqqa kilüenä dälillär yuq, dip belderde. Salqanu ministrı urınbasarı Lewis Moonie, ministrlıq bu eştä medetsina yağınnan tügel dä-yuridik yaqtan ciñelde, dip belderde.
