Accessibility links

якшәмбе, 11 декабрь 2016, Казан вакыты 03:27

Yevropa Berlege Ğiraqqa 100 million yevrolıq humanitar yardäm cibärde


Xalıqara Qızıl Xac Komitetı , Ğiraqta humanitar krizis bulmağaç-böten köçne iminlek buldıruğa salırğa çaqırdı. Komitet başlığı Jakob Kellenberger, tınıçlıq buldıru-berençe maqsat, dip belderde. “Humanitar faciğa yuq. Wazğiät naçarlarnmas dip ber qayçan da äytep bulmıy läkin xäzerge waqıtta töp burıç-iminlek buldıru”, dide Kellenberger. Qızıl Xac komitetı wäkile bügen alğa taba plannar turında söyläşer öçen Ğiraqnıñ waqıtlı xakimiäte başlığı Jay Garner belän oçraşa. Bügen Bağdadqa kilgän Yevropa Berlegeneñ humanitar yardäm eşläre öçen cawaplı wäkile, üseş komissiäse başlığı Poul Nielson, Ğiraqta yardämne taratu öçen cawaplılıqnı Berläşkän Millätlär Oyışması üz östenä alırğa tieş, dip belderde. Nielson bügen Oyışma häm xalıqara qızıl xac komitetınıñ yuğarı wäkilläre belän Ğiraqnı tözekländerü turında söyläşülär alıp bara. Bügen şulay uq Yevropa Berlegeneñ Ğiraq öçen äzerlängän 100 million yevrolıq humanitar yardäme Bağdadqa cibärelde. Polşa saqlanu ministrı Ğiraqta ber töbäktä tınıçlıq buldıru öçen Polşa, Germaniä häm Daniä xärbi köçlären berläşterüne täqdim itte. Bu xaqta ministr Jerzy Цмайдзинский, Quşma Ştatlardan, Ğiraqnı 4 sektorğa bülü turındağı belderüdän soñ äytte. Germaniä häm Daniä älege täqdim turında irtägä fiker alışaçaq. Цмайдзинский süzlärençä Polşa iminlek saqlaw köçlärenä 1500 xärbien cibärä ala, läkin bu çara öçen Quşma Ştatlarnıñ finans yardäme kiräk bulaçaq.

XS
SM
MD
LG