Accessibility links

якшәмбе, 11 декабрь 2016, Казан вакыты 01:15

İsrael bügen däwlätçelegeneñ 55 yıllığın bilgeli


Fälestinnärneñ qarşı toru-intifadasınıñ 31nçe ayı barğanda İsrael xärbi köçlär başlığı Moşe Yaalon häm premyer-ministr Ariel Şaron kiläçäkkä ömet tulı belderülär yasadı. Yaalon-köç qullanunıñ iñ qurqınıç çorı tämamlandı disä, Şaron-açı nizaqnı beterer öçen yaña yul bar, dip belderde. Misır prezidentı Hösni Möbäräk häm Rusiä citäkçese Vladimir Putin İsrael prezidentı Moşe Katsav häm premyer-ministr Ariel Şaronğa üz qotlawların cibärde. Ul arada Fälestin premyer-ministrı Mahmüd Abbas, İsraelneñ tınıçlıq söyläşüläre başlar öçen alğa sörgän şartların kire qaqtı.Amerika Quşma Ştatları täqdim itkän “tınıçlıq yulı” planındağı “fälestin qaçaqlarınıñ qaytuı” turındağı maddäne İsrael tulısınça sızıp atırğa taläp itä. Abbas isä-4 millionğa yaqın fälestin keşeseneñ xäzerge waqıtta İsrael cire bulğan tuğan yaqlarına qaytu üteneçen kire qağıp bulmawı turında belderde. İsraelneñ däwlät bäyrämendä Könbatış Yardağı Nablus şähäre yanında Hamas törkemeneñ yuğarı wäkile Amin Fadel häläk buldı. İslam suğışçıları oyışması İsrael ğaskärlären şartlatqıç quyuda ğayepli. İsrael çığanaqları, Fadelne inde ike yıl ezlägännären, anıñ İsrael watandaşlarına qarşı häcümnär oyıştıruda ğayeplängänen belderde. Şulay uq Gazada fälestin häm israel köçläre arasında bulğan atışlarda 1 yäşlek bala häläk bulğan.

XS
SM
MD
LG