Accessibility links

якшәмбе, 4 декабрь 2016, Казан вакыты 11:15

Mintimer Şäymiev: Dönya bankları kredit birsä, Qazanda metro tözeläçäk


Sişämbe köne kiç, Tatarstan prezidentı Mintimer Şäymiev Qazan hawa alanında jurnalistlar belän oçraştı. Sişämbedä anı, Rusiä prezidentı qabul itte, häm Mintimer Şäymiev jurnalistlarga, älege oçraşu turında, tulı mäğlümat birde. Mäsälän, Mintimer Şäymiev Vladimir Putinğa «küp yıllar buyı qullanılğan Tatarstan neft yatmalarına häm yaxşı şartlarda eşläwçe Seber neft kompaniälärenä ber uq salım quyu döres tügel», digän fikeren beldergän. Mintimer Şäymiev äytkänçä, Rusiä prezidentı törle ministrlıqlarğa häm däwlät oyışmalarına salım kodeksına häm tieşle qanunnarğa tözätmälärne äzerlärgä quşqan. Tatarstan citäkçese süzlärençä, bu problemağa qul seltärgä yaramıy, keçe neft kompaniälärenä neftne tabu ğibatqa töşä, ä bu üz çiratında, bäyälärneñ artuına kiterä.

İke prezident, şulay uq, Qazannıñ 1000 yıllığın bilgeläp ütü mäsäläsen dä tikşergän. Belgänegezçä, Vladimir Putin yubileynı oyıştıru komitetınıñ citäkçese bulıp tora. Älege oçraşuda, şulay uq, Tatarstan xökümät citäkçese Röstäm Miñnexanov häm şähär başlığı Kamil İsxaqov da qatnaşqan. Xäzerge waqıtta federal häm Tatarstan büdjetları yubiley ütkärü öçen aqçalarnı waqıtında bülep birmi. Şuña kürä, yubiley planına kergän tözeleş, yañartu eşläre üz waqıtında ölgermäskä mömkin. Bigräktä, metro tözeleşe belän xällär awır ikän. Anıñ öçen dönya banklarınnan 400 mln. dollarğa qädär kredit alu küz aldında totıla. Älege waqıtta şuşı banklar belän söyläşülär alıp barıla. Mintimer Şäymiev süzlärençä, kreditlar alınsa, yubiley planın ütäw, metro tözeleşe belän dä, qıyınlıqlar bulmasqa tieş.

XS
SM
MD
LG