9 May – Ciñü könenä bağışlanğan çaralar da inde ütkärelä başladı. 7 mayda Qazannıñ rayonnarına suğışta qatnaşqan veterannar belän oçraşular, alarnı qotlaw, bäyräm konsertları buldı. Küp kenä kafe häm aşxanälärdä bäyräm aşları ütkärelä. 7, 8, 9 Mayda ölkän buın keşelärenä Ciñü köne belän qotlaw telegrammalarına 20% taşlama bireläçäk. Ä 9 may könne veterannar BDB häm Baltiq buyı illärendäge xezmättäşläre häm dusları belän 10 minut eçendä buşlay söyläşä ala. Bu xaqta elemtä ministrlığı xäbär itte. 8 Mayda Piramida binasında veterannar belän Tatarstan prezidentı da oçraşaçaq. Ä 9 Mayda, bäyräm uñayınnan, Ciñü parkında tantana ütkäreläçäk. Tatarstanıñ «Yaña ğasır» televideniese bu çaranı turı efirda kürsätergä isäpläp tora.
