Ğiraqnıñ yustitsiä sistemasında Ğiraq xalqına qarşı cinäyätlärne tikşerü öçen maxsus mäxkämä tözelergä mömkin. Bu xaqta Ğiraq Yustitsiä ministrınıñ yuğarı kiñäşçese amerikan wäkile Clint Williamson belderde. Säddäm Hösäin xakimiäte çorında xalıqqa qarşı qılınğan cinäyätlärne Ğiraqlılar üzläre xökem itergä tieş, -bu kön kebek açıq, dide Williamson.
Bügen Bağdadnıñ al-Azamiya mäxkämäse yañadan üz eşenä kereşte. Williamson süzlärençä, ike atna eçendä il buylap belgeçlär wazğiätne öyränep çığaçaq häm yustitsiä sisteması yañadan torğızılaçaq.
