Accessibility links

Кайнар хәбәр

Respublika Ciñü bäyrämen bilgeli


Bu könnärdä respublika cämäğätçelege Böyek ciñüneñ 58 yıllığın bäyräm itä. 8 mayda veterannarnı “Piramida” kul''tura märkäzenä cıyıp, prezident Mintimer Şäymiev qotladı. Cılı süzlär, çäçäklär, büläklär, muzıka, küz yäşläre-bolarnıñ baısı da dähşätle suğışnı uzıp, bügen dä isän äbi-babaylar xörmätenä bağışlanğan ide. Zalda böten respublikadan cıyılgan 800-läp veteran utırdı.

Oşbu xäbärne efirğa äzerlägändä älege çara däwam itä ide. Şuña da bu xaqta häm bäyrämneñ başqa manzaraları turında sez kiläse tapşırulardan kübräk belersez.

Tatarstan matbuğatı Ciñü köne turında bik küp yazmalar birep kilä. Statistikağa küz salsaq, respublikada bügen 315 meñ suğış veteranı yäşi. Şularnıñ 31 meñe qoral totıp suğışqan bulsa, qalğannarı tıl xezmätçännäre häm yawdan qaytmağannarnıñ tol xatınnarı. 1 yıl eçendä veterannar sanı 4 meñgä kimegän.

Bäyräm çaralarınıñ iñ kübese, älbättä, 9 mayda uzaçaq. Başqalabıznıñ Ciñü parkındağı tantanalarda 10 meñnän artıq veteran qatnaşır dip kötelä.

Küptän yäşäp kilgän ğädät belän, mondıy bäyrämnärdä veterannarğa komplimentlar baytaq äytelä, wäğdälär birelä, läkin bäyrämnär uzıp kitkäç, yış qına alar onıtıla.Veterannarğa birgän wäğdälärneñ härqaysı ğämälgä aşsın ide. Monı parlament qanunnarı nigezendä dä, yöräk, wöcdan quşuı buyınça da başqarırğa kiräk. Çönki veterannar inde ozaq köttelär, alarnıñ tağın da kötärgä waqıtları yuq. Bik döres äytkän şağir Gäräy Räxim:

Qartaymağız äle,veterannar,
Qartaymağız, äy sez, tınmas cannar.
Sezgä tieş äle bik küp nazlar,
Sezgä tieş äle bik küp yazlar.
XS
SM
MD
LG