Accessibility links

якшәмбе, 4 декабрь 2016, Казан вакыты 04:55

Kön tärtibendä -- AES


Çärşämbe kiç Qazan universitetında Tatarstan häm Başqortstan atom stansiäläreneñ problemaları buyınça tügäräk östäl söyläşüe uzdı.

Soñğı aylarda, cämäğätçelek fikerençä, älege tözeleşlärdä canlanu sizelä. Başqortstandağı tözeleşkä xökümät tarafınnan zur aqçalar bülenep birelgän, dilär. Şul säbäple, anda tözeleş eşläre däwam itä ikän. Tatarstan atom stansiäseneñ yazmışı äle haman da bilgesez. Xakimiät dairälärendä yış qına elektr energiäse defitsitın dälil itep atom stansiäsen tözüne berdänber yul dip sanıylar.

“Tügäräk östäl” artında söyläşüçelär bu ike tözeleşne dä tuqtatırğa, elektr energiäseneñ bulğanın israf itmäskä, yä başqa al'ternativ çığanaqlar ezlärgä, cämäğätçelekkä uyaw bulırğa digän täqdimnär kerttelär.

Şuşı temağa qağılışlı tağın ber eksklüziv xäbär. Atom stansiälären tözü tarafdarlarına ğibrätle misal da äle ul.

Bötendönya tatar kongressı Başqarma komitetı qarşında küptän tügel tözelgän yuridik törkem äğzaları 12 mayda Çiläbe ölkäsenä yul alaçaqlar. Maqsatları: zamanında “Mayak” şirkätendäge qazadan soñ radiatsiä belän pıçranğan tatar awıllarına barıp, andağı ayanıç xällärne üz küzläre belän kürep qaytu. Qunaşaq rayonında urnaşqan Möslim, Tatar Qarbolqası kebek awıllarda xällär bigräk ayanıç ikän. Mäsälän, 600 gä yaqın keşe yäşägän Tatar Qarbolqasında 500 läp keşe yaman şeş xastası belän awırıylar.

Yuristlar törkemendä “Tatarstan-yaña ğasır” telekompaniäse jurnalistları, ğalimnär dä bar, Çallıda alarğa yazuçı Fäwziä Bäyrämova da quşılaçaq.

Axır çiktä yuristlar Rusiäneñ Atom energetikası ministrlığın keşe xoquqların tupas bozğan öçen cawapqa tarttırırğa niätlilär. Bu eşne Bötendönya tatar kongressı iğtibar üzägendä totaçaq.

XS
SM
MD
LG