Accessibility links

җомга, 9 декабрь 2016, Казан вакыты 14:41

Yäşlär assotsiatsiä oyıştıra


Soñğı arada Bötendönya tatar kongressı binasında yış qına yäşlärne oçratırğa mömkin. Baqsañ, alar bu oyışmanıñ Başqarma komitetı yärdäme belän yäşlärneñ yaña assotsiatsiäsen tözergä niätlänep yörilär ikän. 16-17 mayda “Qazan” milli-mädäniät üzägendä respublika tatar yäşläre assotsiatsiäseneñ oyıştıru cıyılışı uzaçaq.

Qazanda da, respublikabıznıñ başqa şähärlärendä dä yäşlärneñ törle oyışmaları yäşäp-eşläp kilä.Yaña oyışma üz aldına nindi maqsatlar quya? Yäşlär assotsiatsiäsen buldırırğa mäşäqätlänep yörüçelärneñ berse Rifat İmamov bu sorawğa bolay dip cawap birde:

Audio: (İmamov respublika külämendä yäşlärneñ ictimaği oyışması bulırğa tieş, dip sanıy. Törle oyışmalar yaña assotsiatsiägä berläşep, millätebez öçen kübräk faydalı eşlär eşlärlär ide, dip sanıy.)

Xäyer, bu yaña eşne äydäp yörüçelär räsmi cıyılış uzğançı uq ber igelekle ğämälgä kereştelär dä inde. Şuşı könnärdä genä alar Malmıj şähärenä barıp qayttılar. Anda eşläp kilgän yarım cimerek xäldä bulğan ataqlı tarixçı Mixail Xudyakov muzeyı binasına yäşlär remont yasarğa alındılar. BTKnıñ Başqarma komitetı häm cirle administratsiä dä bu eştä yärdäm qulın suzaçaq. Ä inde respublikanıñ yäşlär eşläre ministrlığı, başqa räsmi oyışmalar yäş yöräklärneñ yalqının sündermäslär, tieşle yärdämnären kürsäterlär dip ömetlänäse kilä.

Damir Ğismetdin, Qazan.

XS
SM
MD
LG