Accessibility links

дүшәмбе, 5 декабрь 2016, Казан вакыты 21:38

Rusiä häm BDB däwlätlärendä Böyek watan suğışında ciñüneñ 58 yıllığı bilgelände


Böyek Watan suğışında Faşist Germaniäsen ciñüneñ 58 yıllığın Rusiä bügen xärbi paradlar, yalqınlı çığışlar häm törle oçraşular häm mädäni çaralar belän bilgeläde. Mäskäwdä Qızıl Mäydanda meñlägän xärbi häm suğış veterannarı cıyılğan paradta prezident Putin häläk bulğannarnı iskä aldı, xäzer global terrorğa qarşı köräştä dä böyek watan suğışındağı kebek berdämlek bulırğa tieş, dide. Ciñü bäyräme şulay uq Rusiäneñ başqa şähärlärendä, Bäysez Däwlätlär Berdämlegendä dä bilgelände. Ukraina häm Rusiä xärbi diñgez köçläreneñ portı bulğan Sevastopol şähärendä xärbi paradta ike däwlätneñ dä xärbi köçläre qatnaştı. Rusiäneñ suğış barğan Çeçnya respublikasında Grozny stadionında bäyräm çaraları başlanır aldınnan ğına şartlaw buldı. Kimendä 3 keşe yaralanğan, dip xäbär itelä. Bıyıl bu töbäktä zur xärbi paradlar uzmadı. Uzğan yıl Dağıstannıñ Kaspiyski şähärendä 9 may könne uzğan paradta şartlaw bulıp 40tan artıq keşe häläk bulğan ide.

XS
SM
MD
LG