Accessibility links

якшәмбе, 11 декабрь 2016, Казан вакыты 09:00

Prezident Bush Yaqın Könçığıştağı xällär häm irekle säwdä turında çığış yasadı


Prezident Bush yaqın könçığıştağı xällär häm irekle säwdä turında South Carolina Universitetı studentları aldında çığış yasadı

Bush administratsiäse Saddam rejimınıñ cimerelüe häm fälästinnärneñ reformaçı premier bilgeläwe säbäple älege mizgeldä ğäräblär belän izraellelär arasında tınıçılq urnaştıru mömkinlege kübräk dip qarıy.Prezident Bush comğada däwlät sekretarın tınıçlıq missiäse belän säfärgä cibärgänçe ,South Carolina Universitetı studentları aldında yaqın könçığışta irekle säwdä paktı turındağı planın açıqlağan çığış yasadı. G.Bush süzlärençä,möselman dönyasında ireklek teläge üsä bara.İreklek bulmasa möselman dönyası xäyerçelektä yäşergä däwam itäçäk bu isä ekstremizmğa kiterä .Prezident G.Bush (audio) Barlıq ğäräb illäreneñ eşläp çığarğan towarlar İspanyağa qarağanda azıraq .Ğäräb xalqı tübän saxara illäre xalqı belän çağıştırğanda internetne azıraq qullana.Ğäräb dönyası zur mädäni traditsiägä iä bulsa da , zamanıbıznıñ ekonomik progressına yaraqlaşa almağan. AQŞ citäkçese süzlärençä reformalar ütkärgän, rişwätçelek, terrorğa qarşı köräşkän, xatın qız xoquqların yaqlağan häm yaxşı bizenes praktikası alıp barğan ğäräb illäre belän AQŞ arasında iminlek vä mullıqnı arttıru öçen irekle säwdä zonası buldırala ala . Ul izrael belän fälästinnär arasında tınıçlıqqqa ireşelsä bu inisiativa 10yıl eçendä ğämälgä quyıla ala dide. G.Bush Dönya Säwdä Oyışmasına kerü öçen reformalar ütkärgän illärgä AQŞ yardäm itä ala dip äytte. Amerika citäkçse Universitettağı çığışında yaqın könçığışta solıx urnaşuı öçen här ike tarafnıñ da cawaplılığı bar, İzrael yağı fälästinnärneñ cafalanuın kimetü öçen adımnar atlarğa tieş dip äytep(audio) ägär dä fälästinnär terrornı beterü öçen konkret adımnar atlasa,tınıçılq,reforma vä demokratiä suqmağında däwam itsä, böten dönya fälsätin bayrağınıñ irekele, bäysez il östendä küterlgänen küräçäk. Bush İzrael okupatsiälängän territoriädä yähud maxalläläre tözüne tuqtatırğa tieş, Ğäräb illäre terrornıñ barlıq formalarına qarşı köräşergä häm yähüd däwläteneñ kürşeläre belän tınıçlıqta yäşäw xoquqı buluwın tanırğa tieş dip söyläde. Bushnıñ irekle säwdä zonası turındağı täqdimenä qarata yaqın könçığış belgeçe Dawid Makowski (audio) Minemçe iqtibar cölep itkän idea. Bu yaqın könçığış xalıqlarına AQŞ tik Ğıraqta bulğan kebek kenä kisätmi , yanami , ul sezneñ öçen mömkinçeleklär belän dä qızıqsına , bu xalıqqa ireşü öçen matur yul dip uylım Bushnıñ irekle säwdä inisiativası C.Powellneñ tınıçlıq protsesın canladıru tırışlığına yardäm itär dip äytü qıyın . Fälästinnär sonğı tınıçlıq planın qabul itsälär dä Premier Şaron här törle taşlama öçen başta premier Abbas qorallı fälästin törkemnären taratırğa, qulğa alırğa tieş di . Abbas çınlap ta zur qoralsızlandıru eşenä kereşsä fälästinnär arasında suğışqa säbäp bula ala,ikençe zur problema isä Yasir Arafat. Abbas belän Arafatnıñ mäqsatları ber bulsa da ,yulları ayrım

Färidä Xämit, Praga
XS
SM
MD
LG