Accessibility links

Кайнар хәбәр

Russiä AQŞnıñ Ğıraq planı turında soraular quya


Russiä tışqı eşlär ministırınıñ urınbasarı Yuri Fedotov , AQŞnıñ kiçä BMOsı İminlek Şurasında täqdim itkän rezolutsie proyektında anıñ Ğıraq plannarı qayber soraular tudıra häm sanksilärne köçtän çığaru turında açıq anıq räsem yuq digän. Rezolutsiä proyektında AQŞ-Britan okupatsiäse in kimendä ber yıl däwam itäçäk, Ğıraqnıñ neft çığanaqları ilne tözekländerü öçen qullanılaçaq dip äytelä häm sanksilärneñ köçtän çığarıluı sorala . Yuri Fedotov İnterfaxqa Russiä İminlek Şurasında kiläse atnada täqdim turında söyläşülär başlanğaç, qayber soraularğa cawap sorıyaçaq dip äytkän. Fedotov Russiä suğıştan sonğı Ğıraqta BMOsı üzäk rol uynarğa tieş dip basım yasıyaçaq dide . Fedotov süzlärençä, Russiä BMO sanksiläreneñ İminlek şurası rezolutsiälärenä kileşle räweştä köçtän çığarıluın yaqlıy. AQŞ täqdimendä xalıqara qoral tikşerüçeläreneñ Ğıraqqa qaytuı turında süz yuq.
XS
SM
MD
LG