Rekonstruksiä vä Humanitar yardäm ofısı başlığı pensiädäge general Jay Garner iyünneñ 15nä qädär Ğıraq infrastrukturasınıñ zur öleşe torğızılaçaq,ilneñ sälämätlek häm mäğarif sisteması normalläşäçäk dip belderde. Garner süzlärençä, sälämätlek sistemasın tözätü, mäktäplärne açu häm çısta su belän tämin itü zarur. Ul böten Ğıraqta şähär şuraları buldırılıp, igen satıp alınaçaq anıñ ofisı xästäxänälärgä buşlay darular häm başqa kiräk yaraq biräçäk dip söyläde. Amerika xärbiläreneñ Bagdadqa kerüenä ber aydan artıq waqıt ütsä dä, küp kenä xökümät xezmätläre yä bötenläy eşlämi yä dä bik qıyın xäldä. AQŞ räsmiläre bugen Ğıraq sivil xezmätkärlärenä 20dolar aylıq tüli başlağan