Accessibility links

шимбә, 10 декабрь 2016, Казан вакыты 04:06

AQŞ däwlät sekretare Colin Powell Fälestnlelärne İzrail’gä qarşı höcümnär oyıştıruçı suğışçan törkemnärne tizräk bastırırğa çaqırdı.


Yaña Fälestin-İzrail’ tınıçlıq planı turında söyläşülär ütkärüçe Powell İzrail’ premyer-ministrı Ariel Şaron belän oçraşudan soñ çığış yasadı. AUDİO: Bez Fälestin xakimiätläreneñ reformalar häm tınıçlıq öçen qılğan uñay säyäsi ğämällären xuplıybız. Läkin bez, şulay uq, Fälestinlelärneñ qoralsızlandıru häm terrorist infrastrukturanı beterü öçen tiz arada qatı ğämällär qıluın kürergä tieşbez. Ansız bezneñ iñ zur tırışlıqlarıbız fayda kitermäyäçäk. Bügen Powell Fälestinlelärneñ yaña premyer-ministrı Mäxmüt Abbas belän dä oçraştı. Bu oçraşudan soñ Powell Yaqın Könçığışta tınıçlıq planın kiçekmästän tomrışqa aşıru öçen waqıt citte dide Pawell üz çığışında, şulay uq, Şaronnı häm İzrail’ xökümäten Fälestin şähärlärendäge xärbi blokadanı yomşartu öçen çaralar kürergä çaqırdı. İzrail’ armiäse Könbatış Yardağı häm Gazadağı Fälestinlelärgä yul çikläwlären öleşçä beterep qayber fälestinlelärgä İzrail’gä eşkä barunı röxsät itüe turında belderde.

XS
SM
MD
LG