Accessibility links

шимбә, 3 декабрь 2016, Казан вакыты 01:36

AQŞ Däwlät sekretare Colin Powell Misır başqalasında söyläşülär uzdıra


Yaqın Könçığışqa säfären däwam itep Däwlät Sekretare Colin Powell Misır başqalasına kilep citep prezident Hösni Möbäräk belän oçraştı. Aña qadär Möbäräk Yevropa Berlegeneñ tışqı säyäsät başlığı Javier Solana belän oçraştqan ide. Yaña tınıçlıq planı-töbäktä totrıqlılıq buldırır öçen küp mömkinleklär tudıra, läkin eşkä tizräk totınırğa kiräk, dide Solana. Misır tışqı eşlär ministrı Ahmed Maher da Solana belän söyläşülär uzdırdı. Maher Fälestinnärne, İsrael provokatsiäsenä birelmäs öçen terror höcümnären tuqtatırğa çaqırdı. Amerikan däwlät sekretare Powell Maher belän berlektä uzdırğan matbuğat oçraşuında, Ğiraq xalqı axırğı çiktä üz xökümätläre belän ğorurlanırğa tieş bulaçaq, dide. “Bez il buylap törle oçraşular uzdırırğa tırışabız, häm bezneñ burıç-cirle citäkçelärne tärbiäläw. Xalıqnıñ böten qatlamnarın wäkillek itkän xökümät tözelgäç Ğiraqlılar bu citäkçelär belän ğorurlanaçaq, axırğı çiktä qarar çığaruçı-Ğiraq xalqı üze bulaçaq”, dide Powell.

XS
SM
MD
LG