Accessibility links

Ğiraqqa yaña bilgelängän waqıtlı xakimiät başlığı Paul Bremer Bağdadqa kilde


Basra şähärendä tuqtalış yasap, Bremer, Ğiraqlılarğa, şäxsi irekleklär, qanun xakimiäte häm ber bereñä xörmätkä nigezlängän cämğiät tözergä yardäm itergä telägänen belderde. “Koalistiä köçläre Ğiraqnı koloniägä äyländerer öçen kilmäde. Bez qatı qullı xakimiätne bärep töşerer öçen kildek. Bezneñ maqsat-Ğiraq xalqına üz yazmışların üz qullarına alırğa yardäm itü, Ğiraq cämğiätenä töp irekleklär, qanun xakimiäte häm xörmät nigezendä yañadan ayaqqa basırğa yardäm itü”, dide Bremer. Amerika Quşma Ştatlarnıñ terrorğa qarşı köräş belgeçe Bremer, Ğiraqta Tözekländerü häm Humanitar Yardäm İdaräse citäkliäçäk. Şulay uq Bağdadnıñ waqıtlı xakimiäte başlığı Barbara Bodine da, 3 atna waqıt ta ütmi, kire Waşingtonğa qayta. Säbäbe-şuşı waqıt eçendä başqalada tormışnıñ yaxşı yaqqa üzgärmäwe. 20 yıldan artıq İranda yäşägän Şiği möselmannarı yulbaşçısı Ayatollah Möhammäd Baqir al-Hakim Ğiraqqa qaytqannan birle il buylap säfären däwam itep bügen izge Najaf şähärenä kilep citte. Jurnalistlar xäbär itüençä Najafta Ğiraqta İslam Revolyutsiäse Yuğarı Şurası başlığı Hakimne yözlägän meñ keşe uramnarğa çığıp qarşı alğan. Kiçä Nassiriya şähärendä çığış yasağanda möselman ruxanie Amerikan ğaskärläreneñ Ğiraqnı yawlap aluların täñqitläde, koalitsiä köçlären ildän kitergä çaqırdı. Hakim xäräkäte Ğiraqta İslam däwläte tözüne alğa sörä.
XS
SM
MD
LG