Accessibility links

шимбә, 10 декабрь 2016, Казан вакыты 21:46

Çeçnyanıñ tönyağında terror höcüme näticäsendä kimendä 37 keşe häläk buldı


Çeçnyanıñ tönyağında Znamenskoe awılında cirle xakimiät binası yanında maşina şartlap kimendä 37 keşe häläk buldı, 200gä yaqını yaralandı. Ğadättäntış xällär ministrlığınıñ Çeçnya bülege başlığı general mayor Ruslam Avtayev, şartlawda Federal İminlek xezmäte binası tulısınça cimerelde, tağın tirä yaqtağı 4 xakimiät binasına ziyan kilde dip belderde. Reuters mäğlümat agentlığı, binalar yanına taba xärkät itkän yök maşinasına xärbilär ut açqan bulsa da, anı tuqtata almağannar dip xäbär itte. Rusiä prezidentı, terror höcüme-Çeçnyada barğan säyäsi processqa qomaçawlıy almayaçaq, dip belderde. Çeçnyanıñ Mäskäw yaqlı xakimiäte başlığı Axmad Qadırov höcümne centekläp tikşerergä wağdä birde. Şartlatçıq tulı maşinanıñ niçek berniçä tikşerü noqtasın uzıp nıq saqlanğan xakimiät binaları yanına kilep citkänen açıqlıysı bar, dip östäde Qadırov.

XS
SM
MD
LG