Accessibility links

шимбә, 10 декабрь 2016, Казан вакыты 21:41

AQŞ İsrael täqdime belän tınıçlıq planın üzgärtergä cıyınmıy


İsrael politsiäse tönyaqtağı Umm e-Fahm şähärendä ğaräp islam xäräkäteneñ 13 äğzasen qulğa aldı. Älege xäräkät Fälestinnärneñ suğışçan Hämäs törkemenä aqçalata yardäm itep toruda ğayeplänä. İslam xäräkäteneñ matbuğat wäkile-Fälestin oyışmaları belän ber nindi dä elemtädä tormawı turında belderde. Amerika Quşma Ştatları Däwlät Sekretare Colin Powell, Amerika, İsrael belän Fälestin arasındağı “tınıçlıq yulı” planına üzgäreşlär kertmiäçäk, dip belderde. Ammanda Jordaniä tışqı eşlär ministrı Marwan Moaşer belän berlektä uzdırğan matbuğat oçraşuında, Powell, Quşma Ştatları İsraelneñ täqdimnärenä qolaq sala, läkin plan üzgärtelmiäçäk, dide: “İsrael, tınıçlıq planında başqarası eşlär turında süz barğanın belä. Alarnıñ planğa qarata qayber añlatmaları bar, häm bez alarnı tıñlap çığabız, läkin bez “tınıçlıq yulı” planın yañadan üzgärtep yazırğa cıyınmıybız”, dide Powell.

XS
SM
MD
LG