Accessibility links

шимбә, 3 декабрь 2016, Казан вакыты 14:53

Khatami: Hezbollah-İsraelneñ okkupasiäsenä qarşı köräşkän tulı xoquqlı oyışma


Livanğa 3 könlek säfären tämamlap İran prezidentı Möhammäd Khatami, Genevada uzğan söyläşülärgä qaramastan AQŞ häm İran arasında citdi häm zur qarşılıqlar qala birä, dip belderde. Läkin söyläşülär däwam itäçäk. Amerika häm İran diplomatik mönäsäbätlärne 1979nçı yılda özde. İnde ber yılğa yaqın Berläşkän Millätlär Oyışması ximayasendä Tähran belän Waşington arasında söyläşülär bara. Süriägä kiter aldınnan, Khatami, Waşingtonnıñ şiği möselmannarınıñ Hezbollah törkemen yaqlawnı tuqtatırğa digän çaqıruın kire qaqtı. Hezbollah- İsraelneñ fälestin cirlären yawlap aluına qarşı köräşkän tulı xoquqlı säyäsi oyışma, dide. “Okkupatsiädän başlap xäzer Fälestindä barğan xällär-Fälestin xalqınıñ xoquqların sanğa suqmaw bulıp tora. Xärbi okupatsiä häm iqtisadi kontroldän tış İsrael .zeneñ izü säyäsäten däwam itep, üz çiklären kiñäytä, şunıñ belän töbäktä barğan suğışlarnıñ da säbäbe bulıp tora”, dide Khatami. İran gazetları ilneñ yuğarı citäkçese Ayatollah Ali Khamenei, Amerika Quşma Ştatları belän nindi dä bulsa xezmättäşlekne kire qağa, mönäsäbätlärne caylawnı-üzeñneñ köçsezlegeñne tanuğa tiñli, dip yazıp çıqtı.

XS
SM
MD
LG