Gruziä prezidentı Eduard Şevardnadze Gruziädä säfärdä bulğan NATO general sekretare George Robertsonğa, NATO belän Yevropa Berelege arasında yaqınraq xezmättäşlek buldırır öçen maxsus xökümät komissiäsen tözüe turında belderde. Roberston, cawap itep, Gruziäneñ NATO belän xezmättäşlekkä omtıluın xupladı. Gruziäneñ Tınıçlıq öçen Xezmättäşlek programması, şulay uq Balkanda tınıçlıq saqlaw häm global terrorğa qarşı köräşkä qatnaşuı öçen Roberston räxmäten belderde. NATO general sekretare Tbilisiğa Mäskäwdän kilde. Kiçä anda NATO-Rusiä şurası utırışı uzğan ide. Bügen Roberston Kavkaz buylap säfären däwam itep, Ärmänstanğa, irtägä Azrebaycanğa baraçaq.
