Accessibility links

Кайнар хәбәр

AQŞ Suğut Ğäräbständäge diplomat vä ğailälären öygä cibärä


Däwlät Departamentı 12nçe maydağı intixar höcümennän soñ Suğut Ğäräbständäge ilçelek häm konsullıqlarında eşlägän personalneñ zur öleşenä häm ğailälärenä ildän kitergä quştı. Departamentlıq ildäge sivil amerikan watandaşlarına da öylärenä qaytırğa kiñäş itte. FBİ suğutlarğa tikşerü eşlärendä bulışlıq kürsätü öçen FBİ agentların cibärde.

Suğut Ğäräbstäne eçke eşlär ministırlığı belderüenä kürä düşämbe tönge şartlaularda häläk buluçılar sanı 34 .Yaralanuçılar sanı 200. Waşington AQŞ mänfäğätlärenä yaña terror höcümnäre bulır dip qurqıp , Riyad, Cedda vä Dahrandağı ilçelek häm konsulluklarındağı bik kiräk bulmağan diplomat ,personal häm alarnıñ ğailälärenä öylärenä qaytıp kitergä quştı . Höcüm öçen cawaplılıqnı älegä ber törkem dä üz östenä almasa da AQŞ ve suğut räsmiläre koordinatsilängän höcümnärne Äl Qaida törkeme oyıştırdı dip farazlıylar. Prezident g.Bush Kiçä Missouri Ştatında jurnalistlarğa (audio) Bu pıçraq aktnı ışanuları näfrät kenä bulğan cinayätçelär oyıştırdı. Quşma Ştatları cinayätçelärne tabaçaq, häm alar Amerikan yustitsiäseneñ närsä ikänen öyränäçäklär. Riyadta xakimiättäge Al Suğut ğailäse dä häcümne kisken süzlär belän xökem itte. Şäxzadä Abdulla bin Abdul Aziz höcümne oyıştıruçılar häm anıñ artında toruçlarnı islam vä keşeçelek bäyälärennän yıraqlaşqan ,cähännemlek keşelär dip atap, , bez şartlaular öçen cawapılılarğa şundıy orım yasıyaçaqbız ki , alar yañadan andıy aktlar oyıştıra almayaçaq dip söyläde. AQŞ räsmiläre ğomumän mönäsäbätlär naçar bulmasa da kiçä suğut xakimiätlären terrornı tuqtata almauda häm ğailäneñ qayber äğzaların radikal möselman törkemnärenä finans yardäme birüdä ğäyepläp çıqtı. Sonğı waqıtlarğa qädär suğut xakimiätläre äl Qaida kebek oyışmalar patşalıqta yuq, alar monda aktivlıq kürsätä almıy dip belderep kilde. Ämma ütkän atnda suğut iminlek köçläre şiklänelgän 19 keşeneñ räsemnären basıp çığardı. Riyadta küpläp şartlağıç maddälär tabıluın belderde. Eçke eşlär ministırı kiçä şartlau Colin Powellnıñ patşalıqqa vizitına qarağanda kübräk bu qorallar belän bäylängän dip äytkän ide. FBİ direktorı Robert Müller bugen agentlar törkemeneñ Riyadqa cibärelüen häm alarnıñ ezläre yuğalğan 19 keşene tabu eşendä suğutlarğa yardäm itäçägen belderde. Kiçä planlaştırılğanıça Riyadqa kilgän däwlärt sekretarı powell ( audio) Bu bik yaxşı oyıştırılğan terror höcüme ,bezneñ köräşkän doşmannıñ tabiğaten kürsätä dip söyläde. Düşämbedäge höcümneñ motivaları açıq anıq bilgele tügel.Küpkenä analitiklar bombalauĞıraq suğışı öçen üç alu dip äytsä, ikençelräe çın hädäf suğut xökümäte häm anıñ reformalar omtılışı digän qaraşta.Kuweitte çığa torğan Al Qabas nasamsı Äl qaida , amerikan xärbiläre Suğut Ğäräbstännän çığıp kitsä dä ,operatsiälär tuqtalmayaçaq digän signal cibärergä teläde dip ışana. Ütkän ayda AQŞ cäy azağında ğäskäriläreneñ bik zur öleşe annan kitäçäk dip iğlan itkän ide.Ämma belgeçlärWaşington_Riyad arasında xärbi xezmätäşlek tiz genä tuqtalmas digän qarıy.Waşingtonda qayber senatorlar Bushnı Ğıraq suğışı iqtibarnı xalıqara terrorğa qarşı köräştän çitkä cälep itte dip tänqitläp çıqtı.

Färidä Xämit, Praga
XS
SM
MD
LG