Bu könnärdä "Qazan Kremle" Däwlät tarixi-arxitektura häm sänğät muzey-tıyulığında yaña xezmät oyıştırıldı. Ul muzey-tıyulıqta ekskursiä-turistik eşçänlegen üz küzätüe astına alaçaq.Yaña xezmät citäkçese Nailä Xalitova söylägänçä, älegä qazanlılar häm başqalabız qunaqları öçen Kreml' territoriäsenä kerü buşlay qala. Ä menä ekskursiä oyıştıruçılar, yäğni muzey-tıyulıqnı kommersiä maqsatlarınnan faydalanğan keşelär öçen ul tüläwle bulaçaq ikän. Bilgele, Qazannıñ 1000 yıllığına dönyanıñ törle poçmağınnan qunaqlar kilüe kötelä. Şul säbäple "Qazan Kremle" muzey-tıyulığında bügen ük tärtip urnaştıra başlaw möhim ikän.
Añlaşıla ki monda törle keşe kerä. Alar arasında tärtip bozuçılar da bar. Andıylarnı xäzer muzey-tıyulıqtan quıp çığara başlağannar. “Şulay uq qayber ekskursiä citäkçeläreneñ tarixıbız turında ällä nindi yök-barnı söyläwe dä şaqqatıra. Mäsälän, miña üzemä "Yawız İvan tarafınnan Qazannı yaulap alu tatarlarnı bik şatlandırdı" digän süzlärne işetergä turı kilde. Mäçetkä qarata da xaqlı bulmağan mönäsäbät belän oçraşam. Muzey-tıyulığıbız - ul ike dinneñ dä yänäşä tınıç yäşäwen belgertüçe üzäk bulıp tora. Keşelärgä, ayıruça çit illärdän kilgän qunaqlarğa, bezneñ turıda döres mäğlümat birergä kiräk dip uylım. Muzey-tıyulıqta maxsus äzerlängän ekskursiä citäkçeläre bar. Alar tatar, rus, ingliz, alman, fransuz, ispan, italyan, xätta yapon tellärendä ekskursiä alıp bara ala. Teläge bulğannarnıñ alarğa möräcäğät itärgä mömkin", - dide älege xezmät citäkçese Nailä Xalitova.
Añlaşıla ki monda törle keşe kerä. Alar arasında tärtip bozuçılar da bar. Andıylarnı xäzer muzey-tıyulıqtan quıp çığara başlağannar. “Şulay uq qayber ekskursiä citäkçeläreneñ tarixıbız turında ällä nindi yök-barnı söyläwe dä şaqqatıra. Mäsälän, miña üzemä "Yawız İvan tarafınnan Qazannı yaulap alu tatarlarnı bik şatlandırdı" digän süzlärne işetergä turı kilde. Mäçetkä qarata da xaqlı bulmağan mönäsäbät belän oçraşam. Muzey-tıyulığıbız - ul ike dinneñ dä yänäşä tınıç yäşäwen belgertüçe üzäk bulıp tora. Keşelärgä, ayıruça çit illärdän kilgän qunaqlarğa, bezneñ turıda döres mäğlümat birergä kiräk dip uylım. Muzey-tıyulıqta maxsus äzerlängän ekskursiä citäkçeläre bar. Alar tatar, rus, ingliz, alman, fransuz, ispan, italyan, xätta yapon tellärendä ekskursiä alıp bara ala. Teläge bulğannarnıñ alarğa möräcäğät itärgä mömkin", - dide älege xezmät citäkçese Nailä Xalitova.
