Accessibility links

җомга, 9 декабрь 2016, Казан вакыты 16:52

AQŞ Ğiraqqa bilgelängän çikläwlärne waqıtlıça beterep torırğa da riza


Amerika Quşma Ştatları Ğiraqtan çikläwlärne bötenläy almıyça, sanksilärne waqıtlıça ğına beterep torunı yaqlıy. Bu xatqa Bolğarstan başqalasına kilep citkäç amerikan Däwlät Sekretare Colin Powell belderde. Powell Bolğarstan premyer-ministrı Simeon-Saxe-Coburg-Gotha belän berlektä jurnalistlar belän oçraştı. Powell süzlärençä, Amerika Quşma Ştatları, älbättä Ğiraqta çikläwlärneñ tulısınça betüen teli, läkin xäzerge waqıtta alarnı öleşçä yuq itep toru da yaxşı bulaçaq, dide Powell. Moña qadär isä, Powell, ägär Berläşkän Millätlär Oyışması İminlek Şurası çikläwlärne beterü turındağı rezolyutsiä ölgesen xuplamasa, Ğiraq neften bazarğa çığaruda "legal problemalar" tuırğa mömkin, digän ide. Powell Bolğarstanğa, Ğiraq suğışında yardäme öçen räxmät äytte, Waşington, üz "dusların onıtmıy", dide. Rusiä tışqı eşlär ministrı urınbasarı Georgi Mamedov, Rusiä, Amerika Quşma Ştatları İminlek Şurasına täqdim itkän rezolyutsiäne, üzeneñ iqtisadına ziyan kilmiäçägen belgäç kenä yaqlıyaçaq, dip belderde. Kiçä Amerikan Däwlät Sekretare Colin Powellnıñ Rusiä räsmiläre belän bulğan oçraşularda, süz Rusiäneñ Ğiraq neft şirkätläre belän kileşüläre häm Bağdadnıñ burıçları turında barğan. Xäzer dä bu mäs'älädä New Yorkta söyläşülär bara, häm Mamedov süzlärençä, rezolyutsiä yazmışı söyläşülär näticäsenä bäyle.

XS
SM
MD
LG