Accessibility links

җомга, 9 декабрь 2016, Казан вакыты 08:52

Çeçnyada bulğan şartlawda häläk buluçılar sanı bilgesez


Kiçä Grozny'dan 25 çaqrım yıraqlıqtağı bulğan İlisxan-Yurt awılında bulğan şartlawda niçä keşeneñ häläk bulğanı mäğlüm tügel. Rusiäneñ ğadättäntış xällär ministrlığı wäkile general mayor Ruslan avtayev süzlärenä qarağanda, 16 keşe ülgän, 145 keşe yaralanğan, alarnıñ 45-awır xälädä. Çeçnyanıñ sälämätlek saqlaw ministrlığı 30 keşe häläk buldı dip xäbär itte. Räsmi çığanaqlar, kiçä dini bäyräm waqıtında oyıştırılğan bu şartlaw-Çeçnyağa Mäskäwdän bilgelängän xakimiät başlığı Ähmäd Qadırovqa höcüm ide, dip xäbär itä. Äxmät Qadırovqa ziyan kilmägän. Rusiä prezidentı Vladimir Putin, çeçen ğısyançıların yarlıqaw turında qanun ölgesen parlamentqa tapşırdı. Bu adım-Çeçnyada tınıç tormışqa tağın yaña şartlar tudırır öçen eşlänä, dip belderde Kreml. 1nçe avgustqa qadär qoralların taşlap suğışçan eşçänlegen tuqtatqan çeçennarğa amnistiä birelä. Üterü, keşe urlaw häm qatı cinäyätlär qılğan suğışçılarğa häm şulay uq çit il watandaşlarına bu qağılmıy.

XS
SM
MD
LG