Accessibility links

якшәмбе, 4 декабрь 2016, Казан вакыты 23:33

Meñlägän fälestinle İsrael däwläteneñ tözelüennän soñ başlanğan "faciğa"nı iskä alu öçen uramnarğa çıqtı


İordannıñ Könbatış Yarında häm Gaza Sızığında meñlägän Fälestinle bügen üzlärençä "naqba" dip äytelgän, yağni 1948nçe yılda İsrael däwläteneñ tözelüennän soñ-yözlägän meñ fälestinlene bu cirlärdän kitergä mäcbür itkän "faciğa"nı iskä alu öçen uram cıyınnarı uzdırdı . Gaza şähärendä cıyılğan 6 meñgä yaqın keşe bayraqlar häm şiğärlär küterep uramnardan uzdı, hawağa ut açtı. Bügen televideniädä çığış yasap Fälestinnär yulbaşçısı Yasser Arafat- yähüdlär tulısınça fälestin cirlärennän kitmi torıp tınıçılıq urnaşuğa mömkinlek yuq, dip belderde. Amerikan Däwlät sekretare Colin Powell, ike yaq ta ber bersenä yul birergä tieş, dide: "İke taraf öçen dä, berençe adım yasap, ber bersenä yul birü waqıtı citte, şulay ğına tınıçlıqqa taba barıp bula" dide Powell. İsrael ğaskärläre bügen irtän Beit Hanun şähärendä tikşerülär uzdırğanda 4 fälestinle, alalar arasında ber yäşüsmer malay üterelde. İsrael xärbiläre, fälestin suğışçıların ezläwgä bağışlanğan zur çara başlawları turında xäbär itte.

XS
SM
MD
LG