Rusiä Qıtay häm Mongoliä belän bulğan çiktäge 52 kontrol noqtasınıñ 31en yabuı turında belderde. Bu çara-SARS virusınıñ taraluın buldırmas öçen eşlänä. Rusiäneñ baş tabibı Gennady Onishenko, zur çik kiçeş punktları açıq qalaçaq, keçkenäläre waqıtlıça yabıla, dip xäbär itte. Şulay uq Rusiädä 1 million 500 meñ dollar laboratoriälärgä SARS çirenä qarşı köräşkä cibärelde. Taiwan-üpkä yalqınsınuınıñ yaña tören yoqtıruçılar turında xäbär itte. Monda awıruçılar sanı 264kä citte.
Qıtayda bügen SARStan 4 keşe ülgän, 52 keşe bu çirne yoqtırğan. Qıtay xökümäte, karantin saqlap öydä utırmağannarnı törmägä utırtu, qayberläwlärgä ğömerlek törmä cäzası belän yanadı.