Accessibility links

җомга, 9 декабрь 2016, Казан вакыты 02:59

Ğiraqnıñ waqıtlı xakimiäte başlığı Paul Bremer üzeneñ ildä iminlek buldıru öçen cawaplı bulğanın belderde


Ğiraqta waqıtlı xakimiät başlığı bularaq bügen üz eşen räsmi töstä başlağan amerikan wäkile Paul Bremer, suğıştan soñ ildä wazğiät yaxşıra bara, läkin iminlek mäs'äläse äle haman da xäl itelmägän, dip belderde. Bremer Ğiraqta tınıçlıq buldıru häm Ğiraq xalqına yäşäw öçen şartlar buldıruda üzeneñ cawaplı buluın äytte. Säddäm Hösäin çorınnan ayırmalı bularaq xäzer Ğiraq xalqı demokratik tärräqiätkä qatnaşa ala. Şiği möselmannarı üz dinnären tota ala, kiläçäktä Ğiraqlılar il belän üzläre idarä itä ala, dide Bremer: "Koalitsiä köçläre, Ğiraqlılarnıñ il belän idarä itüläre öçen şartlar tudıraçaq, soñıraq, waqıtlı xakimiät, xalıqnı wäkillek itkän Ğiraqlılar belän xökümät tözü turında söyläşülär başlıyaçaq" dide Bremer. Amerikan köçläreneñ üzäk xärbi idaräse Ğiraq armiäseneñ elekke başlığı İbrahim Ahmed Abed as-Sattar mohammäd al-Tikriti qulğa alındı, dip xäbär itte. Ğaskärlär başlığı, Amerika Quşma Ştatları tarafınnan ezlängän 55 ğiraq räsmie isemlegendä ide. Üzäk idarä şulay uq qaraqlar törkeme belän atışlar buluı turında xäbär itte. Amerikan xärbiläre-qaraqlarğa qarata köç qullanırğa qarar itte.

XS
SM
MD
LG