Accessibility links

якшәмбе, 11 декабрь 2016, Казан вакыты 05:14

Xalıqara ğailä könenä bağışlanğan çaralar ütä


Ä inde ğailä bäyrämenä kilgändä, Tatarstanda da xalıqara ğailä köne törle çaralar belän bilgeläp ütelä. Şöker, bezdä dä 40-50 yıl bergä yäşäp, 4-5 bala üstergän ğailälär şaqtıy. Pänceşämbe könne Yäşel Üzän, Çallı, Tübän Kama, Bua şähärlärendä şundıy ğailälärne xörmätläw çaraları uzdı. Ä iñ xörmätle, illeşär yıl bergä yäşäp, “altın tuy”larına ireşkän ğailälärne Qazannıñ töp nikax sarayına cıydılar. Biredä “Tatarstan ğailäläre” digän kitapnı täqdir itü tantanası uzdı. Älege kitapqa Tatarstannıñ iñ maqtawlı 150 ğailäse tarixı tuplanğan. Kitapnı Ministrlar Kabinetınıñ nikaxlar terkäw idäräse äzerlägän. Ğailälärgä bağışlanğan bu inde ikençe kitap. Berençese “Tatarstannıñ 100 ğailäse” digäne 2001 yılda meñ danä tiraj belän çığarılğan ide. Şulay 40-50 yıl bergä yäşägän ğailälär turında kitaplar, xikäyälär yazıla xäzerge zamanda. Çönki mondıy ozın ğömerle ğailälär yıldan-yıl sirägäyä. Statistika 2001 yılda respublikada 24 135 nikax häm 15 900 ayırılışu terkälgän, dip kürsätä.

Ä inde yäşäp kitkän ğailälärdä berençe problema - niçek bala tapmaw. Küptän tügel Qazanda ğailä temasına bağışlanğan ber konferensiädä sotsial' soraşu respublikada här dürtençe xatın-qız bala tabarğa telämägänen kürsätte, dip iğlan itelde. Ni öçen? Äytkändäy, älege dä bayağı aqça. Sotsial' tikşerenülär bala tabu yäş ğailäneñ matdi xälen 30 % tübänäytä, digän näticä birgän. Ä inde ğailä tarqalawnıñ äxlaqi yaqları – eçkeçelek, narkomaniä, monısı inde añlıysız, utırıp söyläşü öçen ayırım ber tema.

XS
SM
MD
LG