Accessibility links

Кайнар хәбәр

Qazanda Rusiä-Çexiä söyläşüläre bara


Köndälek räsmi xäbärlärdä pänceşämbe könne “Qazan yärminkäse” kürgäzmä üzägendä Rusiä-Çexiä kiñäşmä törkeme utırışı baruı turında xäbär itelä. Söyläşülärdä “Большая Волга” assotsiatsiäsenä kergän töbäklärneñ (şul isäptän Tatarstannıñ da) Çexiä belän säwdä-iqtisadi xezmättäşlege mäsäläläre tikşerelde. Çexiä yağınnan älege çaralarda Rusiädäge ilçe Jaroslav Bašta, finans ministrlığı häm qayber kompaniälär wäkilläre qatnaşa. Şul uq könne Çexiä wäkillären Tatarstan prezidentı Mintimer Şäymiev qabul itte. Tatarstan belän Çexiä arasında xezmättäşlek kileşüe 1998 yılda tözelgän, ä wäkilçelek 1996 yılda uq buldırılğan. Soñğı berniçä yılda tawar äyläneşe yıl sayın 2-3 tapqır artıp barğan. Xäzer Tatarstan-Çexiä tawar äyläneşe 107 million dollar täşkil itä häm Çexiä Tatarstannıñ säwdä partnerları isemlegendä 8 urında dielä.
XS
SM
MD
LG