Accessibility links

шимбә, 10 декабрь 2016, Казан вакыты 05:58

Fransiö AQŞnı media vasıytaçılığında abruyın töşerergä tırışuda ğäyepläde. Washington monı kire qaqtı.


Fransuz xөkümәte AQŞ administratsiәsen Fransiәneŋ abruyın tөşerergә tırışuda ğәyeplәde. AQŞ rәsmi şәxeslәre monı kire qaqtılar. Ğıraq suğışı sәbәple ike il arasında salqınayğan mөnәsәbәtlәrne yaqın kilәçәktә yaxşırtu mөmkin bulmas kebek.

Fransiә Buş administratsiәse vәkillәren, Fransiә Saddam Xөsәin xөkümәtenә xәrbi hәm diplomatik yardәm birde digәn disinfromatsiә taratuda ğәyeplәve belәn ğәdәttәntış adım atladı. Buş administartsiәsen mәtbuğatqa yalğan infromatsiә birü yulı belәn Fransiәneŋ abruyın tөşerergә tırışudağı ğәyeplәvlәr, Fransiәneŋ Washingtondağı ilçese Jean-David Levitteneŋ Aq Yortqa, Dәvlәt Departamentına hәm Kongressqa cibәrgәn xatında yazılğan. Annan başqa Fransiәneŋ tışqı eşlәr ministerlege AQŞtağı diplomatlarına anti-Fransiә kampaniәse turında mediada işarәlәrneŋ bulu-bumauın küzәtü өçen dә kürsәtmә birgәn. Şuşı xatqa ike bittәn torğan isemlek tә berketelgәn. Anda amerikan informatsiә çaralarında Fransiәne Ğıraq rejimı belәn elemtәlәre turında bilgesez çığanaqlarğa tayanıp alğa sөrelgәn ğәyeplәvlәrgә qarağan soŋğı 9 ayda basılğan maqәlәlәr sanap ütelgәn. Şuşı maqәlәlәrdә Fransiә belәn Germaniә Ğıraqqa atom qorallarında da qulanıla alğan cihazlar birüdә, Fransiә şirkәtlәre xәrbi oçqıç hәm boraqlarnı өçen zapas kisәklәr birüdә hәm başqa eşçәnlektә ğәyeplәnә. Alarnıŋ soŋğısı 6-nçe mayda Washington Timesta basılıp çıqtı. Ul maqәlәdә iseme әytelmәgәn ber küzlәv oyışması xezmәtkәrenә tayanıp, Fransiә Siriәgә qaçıq çıqqan Ğıraq rәsmilәrenә Kөnbatış Yevropağa kerә aluları өçen fransuz passportları birüdә ğәyeplәngәn ide. Fransiә bu ğәyeplәvlәrne qәtği rәveştә kire qağıp kilde hәm xәzer Buş administratsiәsen üzenә qarşı yala yaqqan kampaniә alıp baruda ğәyeplәde. Aq Yort monı kire qaqtı. Saqlanu ministere Rumsfeld ta Pentagondağı brifingta bu xaqta quyılğan sorauğa bolay dip cavap birde.

Audio

"Bu binadan andıy kampaniә alıp barılmıy. Xөkümәtneŋ başqa ağzaları xaqında ber nәrsә dә әytә almıym , lәkin, bu xaqta işetmәdem."

AQŞnıŋ Fransiәneŋ Ğıraq suğışına qarşı pozitsiә aluı belәn qәnәğәt bulmauı ser tügel. Şulay uq xөkümәtlәrneŋ yaki qayber rәsmi şәxeslәrneŋ informatsiә çaraların qullanuları hәm şuşı maqsәt belәn qayber mәğlümәtlәrne ıçqındıruları da yaŋalıq tügel. Şulay da AQ Yort Fransiәgә yala yağu kampaniәsen alıp baruın kire qaqtı. Aq Yort süzçese Scott McClellan Fransiә belәn mөnәsәbәtlәrneŋ naçarlana baruı turındağı raportlarnıŋ әhәmiәten kimetergә tırıştı.

Audio

"Bez kilәçәkkә qarıybız. Ütkәndә qayber qıyınlıqlar bar ide hәm bez kilәçәkkә qararğa telibez. Fransiә, dus , berektәş il hәm bezneŋ borınğıdan birle mөnәsәbәtlәrebez bar. Küpkenә mәsәlәlәrdә mәnfәğәtlәrebez urtaq hәm bergә eşli alabız. Bez alğa taba barabız."

Fransiәdә 8 aldınğı ilneŋ summitı bulaçaq. Şuşı summitta Buş belәn Şiraq arasındağı mөnәsәbәtlәr ike il arasındağı kilәşәktәge bәylәneşlәrneŋ dә nindi bulaçağın өleşçә açıqlayaçaq. Monda әlbәttә, Fransiәneŋ Ğıraqqa qarağan rezolutsiәgә Iminlek Şurasında nindi reaksiә kürsәtüe dә zur rol uynayaçaq. Qısqası, AQŞ-Fransiә mөnәsәbәtlәre şaqtıy qatmarlı hәm xәtta kisken bulıp qala birә. Alarnı yaqın kilәçәktә sülpәnәytü, normallaştıru qıyın bulaçaq kebek.

Fәrit Idelle, Praga.
XS
SM
MD
LG