Accessibility links

Кайнар хәбәр

Söğüd Ğaräpstanğa FBİ agentları kilde


Amerika Quşma Ştatlarnıñ Federal Tikşerülär Byursı FBA belgeçläre, düşämbe könne başqalada bulğan terror höcümen tikşerüdä qatnaşır öçen Söğüd Ğaräpstanğa kilde. Riyadh'tdağı Amerikan ilçelege wäkile, ilgä 60qa yaqın agent kilde, dip belderde. Kiçä Quşma Ştatları Däwlät Departamentı, Söğüd Ğaräpstannıñ Jeddah şähärendä çit il watandaşları yäşägän rayonnarda höcüm buluı ixtimalı turında belderde. Düşämbe könne terror ğamällären Al Qaida çeltäre oyıştırğan dip farazlana. Amerika häm Britaniä üz watandaşların Kenyağa barmasqa çaqırdı. Kürşe Somali'da Al Qaida oyışmasınıñ yuğarı wäkilen kürgännär digän xäbärdän soñ, Britan Hawa Yulları şirkäte Kenyağa böten oçışların tuqtatıp toru turında qarar qabul itte. Australiä häm Yaña Zelandiä, Könçığış Aziädä dä yaña terror höcümnäre planlaştırıluı turında xäbärlär bar, dip belderde.
XS
SM
MD
LG