Accessibility links

Кайнар хәбәр

Tatarstan Rusiä tışqı eşlär ministrığı belän xezmättäşlek turında protokol imzaladı


Comğa könne Mäskäwdä Rusiä prezidentı Vladimir Putinnıñ Federal' Cıyınğa yullama belän çıqtı. Bu yazmanı efirğa äzerlägändä, Tatarstan cämäğätçelegeneñ reaksiäse turında söylärgä irtäräk ide. Läkin Vladimir Putinnıñ xakimiätneñ xalıqqa bik küp buş wäğdälär birde digän süzlären küplär alqışlap qarşı alğandır. Rusiä prezidentı süzlärenä qarağanda, xakimiätneñ üz grajdannarın aldarğa xoquqı yuq, närsä dä bulsa wäğdä itelä ikän, anı hiçşiksez ütärgä kiräk, yä wäğdä itmäskä kiräk. Vladimir Putinnıñ ildä iqtisadıy uñışlarnıñ stabil' tügel ikänen, saylawlarda açıqlıq bulsın digän süzläre dä iğtibarğa layıq dip äytep bula.

Şul uq könne Mäskäwdä Tatarstan prezidentı Mintimer Şäymiev Rusiäneñ tışqı eşlär ministrı İgor İvanov belän ike arada xezmättäşlek turında protokol imzaladı. Äytergä kiräk, Rusiä töbäge belän Tışqı eşlär ministrlığı berençe tapqır mondıy dokumentnı imzaladı. Häm bu berençe çiratta Qazannıñ 1000-yıllıq yubilee belän bäylängän. Älege çarada Tatarstan yağınnan 17 keşe qatnaşqan.
XS
SM
MD
LG