Accessibility links

якшәмбе, 11 декабрь 2016, Казан вакыты 09:00

Şähär şurası kiñäş tottı


Pänceşämbedä uzğan Qazan şähär Şurasınıñ çirattağı utırışında nigezdä başqalanı cılılıq belän tä'min itü programmasınıñ ütäleşe turında zur söyläşü buldı. Älbättä, süz kiläse yağulıq sezonnarı xaqında ile. Ğädättägeçä, deputatlar aqça qıtlığı turında zarlandı. 2003 yıl barışında mäğärif, sälämätlek saqlaw oyışmalarına remont yasaw öçen aqça bötenläy qaralmağan ikän. Mondıy ayanıç xäl Qazannıñ 1000-yıllıq tarixında äle bulmağan. Xätta, awır suğış yıllarında da mäktäplärne, xastaxanälärne, mädäniät uçaqların tözekländerä alğannar. Xalıq deputatları üzläreneñ moñ-zarların Tatarstannıñ prezidentı xozurına ireşterep yärdäm sorarğa buldılar.

Sessiädä şulay uq şähär xakimiätendä eşläwçe qayber türälärneñ küçenüen räsmiläşterdelär. Mäsälän, Älfiä Tutaeva xakimiät başlığı urınbasarı itep raslandı. Ul mädäniät, mäğärif, yäşlär säyäsäte, fizkul'tura-sport, sälämätlek saqlaw mäsäläläre belän şöğellänäçäk. Älfiä xanım buşatqan mädäniät idäräse urınına anıñ urınbasarı Liliä Mavrina bilgelände. Şähärneñ sport komitetı citäkçese Mansur Miftaxov sälämätlege qaqşawnı säbäp itep quyıp, deputatlardan urınınnan azat itülären ütende. Anıñ känäfienä Andrey Xaşovnı bilgelädelär.

XS
SM
MD
LG