Accessibility links

сишәмбе, 6 декабрь 2016, Казан вакыты 05:57

Dilärä Maksutova: yawlıq bäyläw-bäylämäw – här keşeneñ üz ixtiarı


Ber işe ücät keşelär toraq reforması uñayınnan mäxkämäläşep yörilär. Qayber gäcitlär grajdannarnıñ Tatarstan Yuğarı mäxkämäsendä Ministrlar Kabinetınıñ toraqqa bäyälär kütärü turındağı qararların däğwälarnı “xalıq xökümätkä qarşı”, dip yazdı. Xalıq bu mäsälädä qarşıdır da, ämma pänceşämbedä mäxkämä tariflar kütärüne zakonlı dip taptı. “Bezdä qarğa qarğanıñ küzen çoqımıy,” - dip töp däğwäçı Zinnur Xalikov eşne Mäskäw sudlarına küçerergä niätlänüen belderde. Äytergä kiräk, bireşergä öyränmägän keşelär ara-tirä Mäskäwdä ciñügä dä ireşälär. İnde xäbär itkänebezçä, Tatarstanda yäşäwçe ber törkem xanımnar-tutaşlar pasportqa yawlıq bäyläp töşü xoquqına Rusiäneñ Yuğarı mäxkämäse yärdäme belän ireşte. Soñğı arada räsäylelär üz ilendä xaqlıq tabalmıyça, Yevropa mäxkämäsenä dä möräcäğät itä başladılar. Keşe xoquqlarına xörmät belän qarıy torğan Yevropa mäxkämäse Räsäy byurokratizmın berniçä tapqır rubl' aşa qatı cäzağa tarttı da inde. Dimäk, Räsäy mäxkämälärendä dä prioritetlar alışa başlarğa mömkin.

Ä inde yawlıqçılar ciñüenä qaytsaq, anı Tatarstan mäğlümat çaraları kiñ yaqtırtalar. Sezneñ fäqiregez dä bu xaqta yawlıq bäyläp yörgän yäş ber tutaşnıñ fikeren beleşte. Dilärä Maksutova Tatarstan Fännär Akademiäse aspirantı bezgä bolay dide:

Audio (Dilärä Maksutova fikerençä, yawlıq bäyläw här keşeneñ üz ixtiarı, moña räsmi dairälär qarşı kilergä tieş tügel. Dilärä tutaş isä, pasportın yawlıq belän teşüne tıyularğa xätle alıp ölgergän, şuña anıñ dokumentında bar da tärtiptä.)

XS
SM
MD
LG