Accessibility links

якшәмбе, 4 декабрь 2016, Казан вакыты 13:10

Morokko'nıñ Kasablanka şähärendä uzğan töndä ber yulı 4 cirdä şartlawlar yañğradı


Morokkonıñ Kasablanka şähärendä uzğan töndä Jähüd Mädäniät üzäge, İspan klubı, otel häm Belgiä konsullığında ber yulı şartlawlar yañğradı. Cirle xakimiätlär birgän iñ soñğı mäğlümatkä qarağanda 39 keçe häläk bulğan. Morokkonıñ räsmi MAP xäbärlär agentlığı, ülüçelärneñ küpçelege-Morokko watandaşları, dip belderde. Associated Press agentlığı isä-ülüçelär arasında kimendä 6 yevropalı-2 ispan, 2 italyan häm ike fransuz bar, dip xäbär itte. Eçke eşlär ministrı Mostafa Sahel, häläk buluçılarnıñ 10sı-intixar terrorçıları , dide.

Barısın üz küze belän kürgän şahit: "Bik köçle şartlaw buldı, çittä bulğan keşelärgä dä citte, minem üzeme çäçrägän piyala eläkte, bik küp keşe ülde", dip söyläde.

Bombalar öç maşinağa quyılğan bulğan dip farazlana. Höcümnär öçen cawaplılıqnı üz östenä ber kem dä almadı, MAP mäğlümat agentlığı, terror ğamälen oyıştıruda şiklänelgän 3 keşe qulğa alındı, dip xäbär itte.

Qıtay, Fransiä häm İspaniä höcümnärne kisken täñqitläde. Rusiäneñ tışqı eşlär ministrlığı, "terror ğamällärendä Al Qaida eze bar", dip belderde. Jordaniä tışqı eşlär ministrı Marwan Moaşer, höcümnärne "qotoçqıç" dip atadı, häm terrorğa qarşı köräştä berläşergä çaqırdı.

XS
SM
MD
LG