Accessibility links

дүшәмбе, 5 декабрь 2016, Казан вакыты 17:43

AQŞ tözegän 55 Ğiraq citäkçese isemlegendäge 23 keşe-totqında


Kiçä Ğiraq yulbaşçıları belän oçraşıp söyläşkännän soñ waqıtlı xakimiät başlığı Paul Bremer, elek Säddäm Hösäinneñ Baath partiäse äğzaläre bulğannarnıñ ilneñ yaña xäkümätendä eşli almayaçaqları turında qarar çığardı. Baath firqaseneñ 15 meñgä yaqın äğzasenä cämäğätçelek urınnarında, şul sanda uqu yortları, xastaxanälär häm xökümättä eşläw tıyıla.

Koalitsiä köçläre uzğan yılda Säddäm Hösäin iğlan itkän amnistiä waqıtında irekkä çığarılğan cinäyätçelärne ezläwne däwam itä. Berläşkän Millätlär Oyışmasınıñ humanitar eşlär öçen cawaplı wäkile Kenzo Oşima, Ğiraqta iminlek bulmawı yardäm eşlären totqarlıy, dip belderde.

Kiçä koalitsiä ğaskärläre Tikrit şähäreneñ könyağında Baath partiäseneñ cirle citäkçesen häm bügen Säddäm Hösäinneñ elekke Cömhüriät Saqçılarınıñ general sekretaren qulğa alğannar. Amerika Quşma Ştatları tözegän Ğiraq citäkçeläre isemlegendä bulğan 55 keşeneñ 23se qulğa alınğan dip xäbär itelä.

Könçığış Ğiraqnıñ Basra şähärendä 2 aylıq tänäfestän soñ bügen universitet açıldı. Universtitet dekanı Amid el-İdani, uqıtuçılar däres programmaları äzerli, uqular yäkşämbe könne başlanaçaq, dip xäbär itte. Basra universitetı suğış waqıtında başta bombalaw, soñınnan urlaw häm talawlar arqasında küp ziyan kürde.

XS
SM
MD
LG