Çeçnyanıñ Znamenskoe şähärendä düşämbe köne bulğan şartlawlarda alğan cärähätlärdän bügen 10 yäşlek malay wafat buldı. Cirle xakimiät binalarına yasalğan höcümdä häläk buluçılar sanı 60qa citte. 200gä yaqın keşe yaralanğan ide. Çeçnyanıñ Federal İminlek Xezmäte, FSB, nde çärşämbe könne İlisxan-Yurt awılında höcümnär oyıştıruda şiklänelgän 5nçe keşe qulğa alındı, dip xäbär itä. Totqarlanğan keşeneñ iseme bilgele tügel, läkin FSB belderüençä, anıñ qır kamandirı Şamil Basaev törkemeneñ ber äğzası buluı farazlana. Ber atna eçendä Çeçnyada bulğan ikençe terror höcümendä 18 keşe häläk buldı.
