G-8 törkemenä kergän illärneñ finans ministrları dönya iqtsadınıñ üseş yulları turındağı söyläşülärne däwam itte. Oçraşuda süz tärräqi itüçe illärneñ üseşkä kertkän öleşe häm global finans krizisı buldırmas öçen çaralar kürü turında bara. İün ayında Fransiäneñ Evian şähärendä G-8 oyışmasına kergän Britaniä, Kanada, Fransiä, Germaniä, İtaliä, Japoniä, Amerika Quşma Ştatları häm Rusiä citäkçeläre cıyılaçaq. Bügenge söyläşülär aldınnan ğına Yevropa Berlege, yevro aqçası zonasına kergän 12 däwlättä ağımdağı yılnıñ berençe çiregendä tulayım tabışta üseş bulmadı dip xäbär itte.
