Accessibility links

чәршәмбе, 7 декабрь 2016, Казан вакыты 13:37

Jerusalemda teror ğämäle näticäsendä 7 keşe xäläk buldı; Ariel Şaron Waşington säfären kiçekterä


Jerusalemda bulğan ike intixar xöcümnän soñ, İsrael premier-ministrı Ariel Şaron Waşington säfären kiçekterüwe turında iğlan itte. Şaron Waşingtonda amerikan prezidentı George Buş belän "solıx yulı" dip atalğan plan turında söyläşäse ide.

İrtä belän ber avtobusta bulğan şartlaw näticäsendä 7 keşe xäläk buldı, 20-se yaralandı. Berazdan, şähärneñ ikençe yağında tağın ber şähit üzen-üze şartlattı. Bu şartlawlar Şaron belän Fälestin premier-ministrı Mäxmüt Abbas arasında ütkän oçraşudan soñ berniçä sägät ütügä yañğıradı. Şaron Abbasqa "solıx yulı" dip atalğan plannı xuplamawın äytkän. Premiernıñ kiñäşçese Dore Gold süzlärençä, Şaron, bu plannı xäzerge räweşendä ğämälgä quyıp bulmıy dip sanıy. Fälestinneñ xezmät ministrı Xäsän Äl-Xatib fikerençä, bügenge şartlawlar - Şaron-Abbas oçraşuwı näticäsenä cawap bulıp tora.

Yaqın köçğışıta solıx urnaştıru häm 2005-nçe yılda Fälestin däwläten tözüne küz aldında totqan plan Quşma Ştatlar, Rusiä, Yevropa Berlege häm Berläşkän Millätlär tarafınnan täqdim itelde. Şaronnıñ Buş belän oçraşuwı kiläse sişämbedä ütäse ide.

XS
SM
MD
LG