Accessibility links

дүшәмбе, 5 декабрь 2016, Казан вакыты 13:35

Yaqın könçığıştağı terror höcümnäre tınıçlıq söyläşülären tuqtattı


Atna azağındağı 3terror höcümennän soñ İzrael Könbatış Yordan Üzäne häm Gazanı yabıp fälästinnärneñ İzraelgä kerüen tuqtattı. Berençe höcüm şimbädä Premier A.Sharon belän M. Abbasnıñ näticäsez tämamlanğan oçraşunnan elek buldı. .Qısqa möddät ara belän tağı ike intixar höcüme oyıştırıldı. Sharonnıñ prezident Bush belän oçraşuın bilgesez waqıtqa kiçekterüe, administratsieneñ tınıçlıq urnaştıru tırışlıqlarına orım bulıp tora.

Atna azağındağı terror serieseneñ in sonğısı düşämbe irtän Gaza sızığında buldı .Ütep baruçı xärbi jep yaqınındağı vilosepedle fälästinle üzen şartlatıp 3 ğäskärine yaraladı. 3 intixar terrorçısı şimbädä 9keşene üterep distälärçä keşeneñ yaralanuına säbäp bulıp yaña fälästin premiereneñ abruyın töşerep, aña ışanıçnı kimette. Berençe intihar höcüme şimbä kiç Sharon belän Abbasnıñ berençe oçraşuınnan ike säğät elek Hebronda buldı. 19yäşlek fälästinle üzen häm ber yähud belän anıñ yökle xatınıñ üterde. Yäkşämbe irtänge säğätlärdä tönyaq könçığış Yerusalemdä 20yäşlek fälästinle student aftobusta üzen şartlatıp 7 pasajirnı üterde. Şuşı insidenttan 30minut soñraq başqa ber fälästinle terror höcümenä äzerlänsä dä politsiäneñ kilüe belän üzen genä havağa oçırdı, tirä yaqqa zian kilmäde.İzrael politsiäse 3 intixar terrorçısı da ortodoks yähudlär kebek kiengän ide dip belderde. 31 ay elek fälästinnärneñ intifadası başlanğannan birle qısqa waqıt eçendä şul qädär küp terror aktları bulğanı yuq ide. Premier Sharon bu insidentlardan soñ Waşingtonğa säfären bilgesez waqıtqa kiçekterde. Ul prezident Bush belän solıx yulı turında söyläşülär alıp barırğa tieş ide. Kabinet cıyılışında Sharon (audio) qıyın waqıyğälär häm terror dulqını säbäple Quşma Ştatlarına vizitnı kiçekterdem.bu säfär başqa ber waqıttta yasalaçaq. Bush İzraeldäge xällär turında endäşmi qalsa da, aqyort terror aktların xökem itkän häm qorbannarnıñ ğailäläreneñ qayğıların urtaqlaşqan belderü yasadı. Yaña ğına yaqın könçığış säfärennän qaytqan däwlät sekreatrı C.Powell şulayuq terror, bombalaunı xäkem itep çıqtı.İzrael yañadan komendant säğätläre kertep, çiklärne yañadan yabıp quydı .İzrael kabinetında Yasir Arafatnı Könbatış Yordan Üzännän deportatsiäläü turında debatlar buldı.. Sharon bu fikergä qarşı çıqsa da ul Arafatnı izolatsiäläüne yaqlıy. Sharon regionğa kilep Arafat belän küreşkän diplomat säyäsätçelär, İzrael räsmiläre belän küreşä almayaçaq dip belderde. Ämma bu çikläü aldan bilgelängän 5 räsmineñ säfärenä qaramıy. Alar arasında Fransiä tışqı eşlär ministırı da bar. Ütkän atnada Sharon Yevropa Berlegeneñ wäkile Solana belän küreşüne kire qaqtı. izrael yäkşämbedä Arafatnı fälästinle radikallärne qotırtuda ğäyepläp çıqtı. Arafat bugen Ramallada jurnalistlarğa, (audio) min terror aktivlıqların tulısınça xökem itäm.İzrael räsmiläre miña qarşı propaganda alıp baradip äytep , (audio) partnerım Yitzhak Rabin belän qul quyğan tınıçlıq kileşüen şulayuq ''solıx yulın'' ütärgä tieşbez. Tuğanım Abu Mazen häm Abu Alanıñ Sharonğa yasağan vizitınnan soñ älegä solıx yulın raslauları turında ber närsä dä işetmädek . Fälästin tışqı eşlär minsitırı Nabil Shaath süzlärençä, 3 terror höcüme tınıçlıq protsesın şartlatu mäqsatında yasaldı .Shaath İzraelneñ Könbatış Yordan üzäneñ okupatsiä asıtnda totuı , M:Abbasınıñ bu operatsiälärne tuqtatu mömkinlegenä kirtä bulıp tora dide. Hämäsneñ politik citäkçese Aziz Rantisi radikal törkemnär tınıçlıq omtılışları yäki Abbas administratsiäsen tırışlıqlarına kirtä quya digän fikergä qarata, alarnıñ ikese dä fälästinnär tarafınnan yaqlanmıy dip äytkän. Sharon bilgele bulğança Waşingtonğa solıx yulına tözältmälär kertü niäte belän barmaqçı ide. solıx yulı planı 30nçe apreldä iğlan itelgännän birle 50fälästinle 10izraelle häläk buldı. Älegä Yerusalemdäge şartlaular '' solıx yulın '' tabutqa salıp sonğı qadaqnı qadaqlağan buldı dip äyter idem

Färidä Xämit, Praga
XS
SM
MD
LG