Accessibility links

җомга, 9 декабрь 2016, Казан вакыты 06:47

Dönya Sälämätlek Saqlaw Oyışması äğzaläre Genevada yıllıq oçraşuğa cıyıldı


Genevada Dönya Sälämätlek Oyışmasınıñ yıllıq cıyını açıldı. Bıyıl 10 könlek söyläşülärneñ köntärtibendä SARS virusı häm tämäke tartuğa qarşı köräş temaları. Oyışmanıñ 192 äğza däwläte wäkilläre, moña qadär Qıtayda çığıp dönya buylap 600gä yaqın keşeneñ ğömeren özgän üpkä yalqınsınuınıñ yaña törenä qarşı köräş çaraları turında fiker alışaçaq. Şulay uq Tämäkene Kontrol İtü Konvensiäseneñ ölgesen buldıru da –eş planına kerä. Anda tämäke reklamasın häm satunı tıyu turında süz baraçaq. Yoğışlı çirlär bülege başlığı David Heymann, yaqın kiläçäktä SARStan tizräk taraluçı viruslar çığa ala, dip belderde. Xäzer gripp epidemiäse çığarğa mömkin ikän. Uzğan ğasırda 3 tapqır epidemiä xälenä citkän gripp waqıtında millionlağan keşe ülgän.

Bolardan tış cıyında Dönya Sälämätlek Oyışmasınıñ yaña general direktorı da saylanaçaq. Xäzerge citäkçe Gro Harlem Brundtland ikençe 5 yıllıq möddätkä qalırğa teläk beldermäde.

Taiwanda qayber uqu yortları äle dä yabıq. Prezident Çen Şui-bian, Taipei'da çığış yasap, SARSnı-tabiplar häm Taiwan xalqı arasında xezmättäşlek bulsa ğına ciñep bulaçaq, dip belderde: "SARSqa qarşı köräş-suğışqa tiñ. Sälämätlek saqlaw xezmätkärläre-saqlanu sistemasın tözemäsä-SARS böten Taiwannı yotaçaq. Xalıq tabiplarğa yardäm itmäsä-böten sistema işelep töşäçäk", dide Taiwan prezidentı.

Tailand räsmiläre, SARS virusın Tailandta yoqtırğanın isbatlıy alğan här turistqa 100 meñ dollar bireläçägen xäbär itte. Mondıy täqdim-turistlar Tailandqa kilergä qurıqmasınnar öçen yasala. Uzğan ayda Tailandqa kilgän turistlar sanı uzğan yıl belän çağıştırğanda ike tapqır kimeräk bulğan.

XS
SM
MD
LG