Accessibility links

Кайнар хәбәр

Terror höcümnäre qurqınıçı Dönya Matbuğat İnstitutınıñ Kenyada Dönya 2003 Kongressın kiçekterä


Austriä başqalasında urnaşqan Xalıqara Pressa İnstitutı, Kenya'da, Nairobi şähärendä İünneñ berençe könnärendä uzırğa tieş bulğan üzeneñ 2003 Dönya Kongressın kiçekterüe turında xäbär itte. Mäğlümat çaraları xezmätkärlären häm jurnalistlarnı berläştergän bu matbuğat üzäge, cıyınnıñ kiçekterelüe-Britan häm Amerikan räsmiläreneñ terror qurqınıçı arqasında Kenyağa barmasqa çaqıru nigezendä eşlänä, dip belderde. Bıyılğı kongress isä Sintäbr ayında başqa ber ildä uzaçaq dip xäbär itelä.

Morokko räsmiläre, comğa könne Casablanka şähärendä bulğan terror höcümnärenä bäyle bulğannarnı ezli. Ul könne 41 keşe häläk bulğan ide.

Söğüd Ğaräpstan başqalası Riyadh'tağı Amerikan räsmiläre, ilneñ könçığışındağı Dahran şähärendäge Quşma Ştatları konsullığı yanında ber qorallanğan keşe totqarlanğan dip xäbär itte. Yaralanuçılar yuq, läkin konsullıq waqıtlıça yabılğan.
XS
SM
MD
LG