Accessibility links

Кайнар хәбәр

Miloşeviçnıñ mäxkämä eşe tağın 100 kön däwam itäçäk


Berläşkän Millätlär Oyışmasınıñ suğış cinäyätläre mäxkämäse-elekke Yugoslaviä prezidentı Slobodan Miloşeviçnı ğayepläwçelärgä tağın 100 kön birde, yağni eşne alıp barğan xakim Richard May süzlärenä qarağanda, mäxkämägä kübräk şaxitlär kiterergä häm yaxşıraq tikşerülär uzdırırğa östämä waqıt birelgän. 16 may könne mäxkämä eşen tämamlaw turında qarar qabul itelgän ide inde, läkin xökem prosessın tağın ozaytırğa buldılar.

Belgradta säfärdä bulğan baş prokuror Carla del Ponte, elekke Bosniä serb citäkçese Radovan Karadziçnı birelergä çaqırdı. Karadziç irektä yöri, ul Bosniädä dip farazlana. Hague mäxkämäse Karadziçnı genotsid, keşelekkä qarşı häm suğış cinäyätlärendä ğayepli.
XS
SM
MD
LG