Accessibility links

Кайнар хәбәр

Qazanda xalıq käsepçelege üzäge oyıştırıla


İkençe tema – xalıq käsepçelege üzäge buldıruda säyäsät bötenläy bulmasa da, härxäldä käsepçelekne, xalıq hönärlären üsterü säyäsäte bar. Soñğı yıllarda käsepçelek, jurnalistlar äytkändäy, şul tübätäylär tegügä genä qalğan ide. Xätta, sovetlar çorında uq görläp eşläp torğan Arça çitek fabrikası da bölgenlekkä çıqtı. Monnan ike yıl elek Tatarstanda keçe biznesqa yärdäm departamentı buldırıldı. Departament citäkçese itep Nail Mostafaev bilgelände. Ul ike yılda eşne isän qalğan käseplärne häm käsepçelärne barlawdan, katalog näşer itüdän başlap, xalıqara kürgäzmälärgä çığuğa citkergän. Ul Fransiädä uzğan soñğı kürgäzmädä qatnaşuları turında bolay söyläde.

AUDİO: (Nail Mostafaev Parijdağı xalıqara kürgäzmädä künnän tegelgän äyberlär tıyılğan bulsa da, Tatarstanda tegelgän äyberlärneñ üzençäleklärenä, güzällegenä, sıyfatına kürä ayırım röxsät birelgän. Künne tekkändä, Tatarstan käsepçeläre kebek neçkä näfes cöy saluçılar bütän ber qayda da yuq ikän.)

İreşelgän uñışları öçen älege departamentqa Qazannıñ üzägennän yarım cimerelgän ber yort birgännär. Anda kiläçäktä Tatarstannıñ xalıq sänğät käsepçelegen üsterü üzäge bulaçaq.
XS
SM
MD
LG