Ä inde öçençe temağa kilgändä, 14 mayda Tatarstanda iñ ere aksionerlıq cämğiäte - “Связьинвестнефтехим” oyıştı. Anıñ aksiäläreneñ 100% däwlätneke. Aña respublikanıñ “Tatneft'”, “Nijnekamskneftexim”, “Tatenergo” kebek 14 ere şirkäte kerä. Ustav kapitalı 38 milliard rubl'gä yaqın. 7 keşelek Direktorlar şurasın premyer-ministr Röstäm Miñnexanov citäkli. Brifingnı alıp baruçılar monnan närsä kilep çığasın äytergä irtäräk dilär. Jurnalistlar farazlawınça, bu zur başlanğıç aldağı saylawlar, xätta 2006 yıldağı prezident saylawlarına kilep totaşa. Şulay itep, äytkändäy, niçek kenä borğalasañ, sırğalasañ da – säyäsätkä totaşa.
