Accessibility links

якшәмбе, 4 декабрь 2016, Казан вакыты 00:59

İsrael xärbiläre yañadan Beit Hanun'ğa kerde


Bügen İsrael tankları häm xärbi maşinaları yañdan Beit Hanun şähärenä kerde. Fälestin premyer-ministrı Mähmübd Abbas şunıñ arqasında şähärgä säfären kiçekterde. İsrael belän Fälestinnär arasında koordinatsiä komitetı başlığı Sufian Abu Zaida, İsraelgä üz xärbi köçlären çığarıp şähärgä premyer-ministrnı kertüne sorap möräcäğät itülären belderde. Läkin İsrael yağı qarşı çıqqan. İsrael tışqı eşlär ministrı Silvan Şalom üz çiratında, Fälestin citäkçeläre başta terrornı tuqtatu öçen çaralar kürergä tieş, dip belderde: "Mähmüd Abbas kiçekmästän terrorğa qarşı çaralar kürergä tieş, dip uylıym. Köç qullanu häm öndäwlär tuqtarğa tieş. Yuqsa Arafat häm Mähmüd Abbas üzläre dä –şular rätendä bulaçaq", dide İsrael tışqı eşlär ministrı.

Quşma Ştatlarda çığuçı köndälek "The New York Times" gazetı , prezident Bush kiläse atnalarda Yaqın Könçığışqa barırğa cıyına dip yazıp çıqtı. Prezidentnıñ yardämçeläre isä-mondıy säfärneñ bulaçağın şik astına quya.

XS
SM
MD
LG