Şul uq Däwlät Şurasınnan kilgän xäbärgä qarağanda, Tatarstannan çittä urnaşqan wäkilçeleklär bik uñışlı eşli. Bu xaqta tışqı iqtisadıy xezmättäşlek ministrı Xafiz Salixov üz xisabında äytte. Xäzerge waqıtta respublika büdjetınnan 12 wäkilçelek finanslana. Elekke yıllarda wäkilçelekne totu ike il arasındağı xezmättäşlek külämennän zurraq aqçağa töşkän bulsa, xäzer 23 wäkilçelekneñ 10sı üz çığımnarın üze qaplıy. Kiläçäktä büdjettan finanslaw bötenläy tuqtalaçaq, açqa büdjettan tış fondlar häm çit ilgä säwdä itärgä telägän şirkätlär xisabına başqarılaçaq ikän. Kuba, Vietnam häm Şveytsariädäge wäkilçelek şul räweşle eşen alıp bara. Aqça tabunıñ tağın ber yulı - tatar eşmäkärläreneñ berläşüe häm Tatarstan säwdä yortları öçen aqça bülep birüe. Xantı-Mansi, Saratov häm Nicgardağı wäkilçeleklärneñ eşen şulay oyıştıruı maqtawğa layıq, dip belderde ministr Xafiz Salixov.
