Accessibility links

шимбә, 3 декабрь 2016, Казан вакыты 07:45

Fallujah şähärendä Amerikan ğaskärläre häm Ğiraq suğışçıları arasında atışlar buldı


Uzğan töndä Amerikan ğaskärläre häm Ğiraq suğışçıları arasında bulğan atışlarda ike ğiraqlı häläk buldı. Kapitan Mike Riedmuller, xärbilärgä şähärdä tärtip saqlağanda granatalar atıldı dip xäbär itte: "Bez patruldä çaqta bezneñ ber maşinağa RPG-7 tibında granatalar atıldı, bez cawap itep, qullarında qoral totqan ber-niçä keşegä ut açtıq. Berniçä minuttan soñ tağın kemnärder maşina belän bezneñ Bradley xärbi maşinalarnıñ bersenä kilep bärelde," dide Amerikan xärbi köçläre wäkile.

Quşma Ştatlar xärbiläre arasında yaralanuçılar yuq. Läkin bu waqiğa turında qarşılıqlı mäğlümatlär bar. Reuters mäğlümat agentlığı, xärbilär-ayırıp tormıyça, cıyılğan keşelärgä ut açqan, dip xäbär itä.

Amerikan generalı Tommy Franks Säddäm Hösäinneñ Baath partiäse wäkillären Ğiraqtağı koalistiä köçlärenä birelergä çaqırdı. Koalitsiä radiosı aşa çığış yasap, möräcäğät-Baath partiäseneñ tulı äğzalärenä qağıla, dide. Ğiraqta Baath firqaseneñ eşçänlege başqa bula almıy, çönki partiä inde ğamäldän çığarıldı, dide Franks. Xäbärlärgä qarağanda bu möräcäğät 25 meñnän alıp 50 meñgä qadär Ğiraq keşesenä qağıla.

5kä yaqın däwlät wäkilläre bügen Polşa başqalasında cıyılıp Polşa citäkçelegendä Ğiraqta tınıçlıq saqlaw köçlären tözü turında söyläşülär alıp bara. Cıyında İtaliä, Ukraina, Daniä, Hollandiä häm Bolğarstan wäkilläreneñ qatnaşuı turında xäbär itelde. Polşa Ğiraqqa meñ yarımnan alıp 2 meñgä qadär ğaskär cibärergä äzer buluın äytte. Läkin Polşa tönyaqta amerikannar kontrolendä bulğan zona häm könyaqta Britannar tarafınnan idarä itelgän töbäk arasında tınıçlıq saqlaw eşenä 7 meñgä yaqın ğaskär cıyu öçen başqa illärdän yardäm soradı.

XS
SM
MD
LG