Accessibility links

якшәмбе, 11 декабрь 2016, Казан вакыты 07:14

Latvia başqalası Rigada Yevrovision Cır Bäygesendä 26 däwlät wäkilläre qatnaşa


Bügen kiçen Latvianıñ Riga şähärendä 26 däwlät wäkilläre Yevrovidenie Cır Bäygesendä qatnaşırğa äzerlänä. Rusiäne wäkillek itkän TATU törkemendäge ike qıznıñ berse-Yulia Volkovanıñ tawış yarılarındağı problema arqasında bügen soñğı äzerlek repetitsiäsendä qatnaşa almawı borçılu tudırsa da, bäygene oyıştıruçılar-cırçınıñ säxnägä çığa aluı öçen quldan kilgänne eşliäçäklären belderde.

Bäyge Riganıñ 1200 kvadrat metrlı Skonto Tamaşa Sarayında uzaçaq. 100 millionğa yaqın keşe bäygene televizordan qarıyaçaq dip farazlana. Ciñüçene-bäygedä qatnaşqan 26 il watandaşları ğına saylıy alaçaq. Üz ilen wäkillek itkän cırçı öçen saylawçılar tawış birä almıy-bu bäygeneñ şartları.

Bıyılğı Yevrovideniä bäygesendä qatnaşuçılar arasında Törkiä, Bosniä, Xorvatiä, Germaniä, Rusiä, Ukraina, Polşa, Latvia, Estonia, Rumıniä, Sloveniä häm başqalar.

Bügen Mäskäwdä elekke Beatle cırçısı Paul McCartney Rusiä prezidentı Vladimir Putin belän oçraştı. McCartney, Putinğa, 1980nçe yılda Sovetlar Berlegenä kilep cırlarğa telägänen, läkin ul çaqta sovet xakimiätlärennän röxsät ala almawın äytte. Bügen McCartney Mäskäwdä Qızıl mäydandağı konsertı belän üzeneñ dönya turın başlıy. Elekke Beatle yoldızın tıñlarğa 20 meñgä yaqın keşe cıyılır dip farazlana.

XS
SM
MD
LG