Accessibility links

якшәмбе, 11 декабрь 2016, Казан вакыты 11:10

Aljirda zilzilä näticäsendä qorban bulğannar sanı 2 meñnän arttı


Aljirda 4 kön elek bulğan zilzilä näticäsendä qorban bulğannarnıñ sanı arta bara. Eçke eşlär ministrlığı mäglümätenä qarağanda xäläk bulğannarnıñ sanı 2047gä, yaralanğannar 8600-gä citkän. Yözlägän keşe xäbärsez yuğalğan sanala. Meñlägän keşe yort-qurasız qalğan. Ul arada xalıqta prezident Äbdel-aziz Buteflikqa qarata näfrät xislare arta. Keşelär xökümätne äzerlege bulmawda ğäyepli. Başqaladan 30 çaqırım yıraqlıqta urnaşqan Bumerdes şähärenä, cimereklärne üz küze belän kürergä kilgän prezidentqa, andağı keşelär "üterüçe" digän süzlär qıçqırdı. Uzğan çärşämbedä Aljirda bulğan cir teträwneñ däräcäse Rixter ülçäme belän 6.7 ball täşkil itte. 1980nçe yılda birle bu Aljirda iñ köçle zilzilä buldı.

XS
SM
MD
LG